Se te sei trentin te vai per forza en montagna, ma ghè modo emodo de narghe, ecco chi n'elenco en dove sicuramente te troverai la to categoria:
1) QUEL DEL "PARTIN BONORA", che sia su el gruppo de whatsapp o fòr dala messa el sabo de sera, quel del "partin bonora" el sbara orari al limite dell'umano, robe da 4 de matina che così arivan su giusti per el disnar, pò ala fin envezi se ariva en zima ale sei e se fa colazion.
2) LA GUIDA ALPINA, no serve per forza far corsi, la guida alpina te la distingui perchè ogni volta che se se ferma el taca a nar en giro col de (stile ET telefono casa per capirne) a spiegarte i senteri , i paesi e le zime che te vedi da lì. El sta sempre davanti perchè elo "el sa".El core come en mat zercando de bater chissà che record. Capita che se sbaia senter e alora el dis che l'è colpa dela SAT che no la mete zo ben i segnali e i scartabèi. El dropa sempre el canocial, anca per dropar el telefono.
3) EL TECNICO , ovvero quel che gà i schèi, el se presenta la matina al parchegio coi so scarponi da mili euro, racchette en fibra de carbonio, giacheton high-tech che el ten fin a men zinquanta gradi, do chili de sali minerali e zento litri de acqua. El dropa el GPS per veder quante calorie che el consuma e che dislivèl che ghè. De solito el se mete tacà drio alla guida alpina, che se l'ha magnà fasòi la sera prima, el tecnico el g'ha da tirar for bombole.
4) OLD SCHOOL, ovvero quel che ghèra en te l'armar, el se mete sempre la solita camisa de flanela de so nòno, i scarponi maroni dela Sportiva dell'an del doi, braghe de veludo, ciaspole fate co la corda, ramponi ruzeni e bareta de lana co le rece de fòra. A disnar el sfodera el so coltelin svizero e el tabiel da do metri per doi. Pan e salam rigorosamente autoprodotto.
5) QUEL DE CORSA, el te pasa via ai zinquanta al'ora coi so bacheti e le so braghete corte che se vede meze culate. Nol g'ha temp per saludarte perchè el deve far altre 49 zime for per la giornada e l'unico modo per farle l'è darghe drio. Che sia acqua o sudor el g'ha sempre la testa che sgoza.
6) EL ZIGOLA, "no te sai mai che temperatura che ghè!", questo l'è el mantra del zigola. Zinque canotiere, mudande longhe, do pari de braghe e 7 "pail" un sora l'altro i ghe garantis na sauna finlandese gratis. El seita a fermar el gruppo perchè el ga sempre da cavar o meter qualcòs.
7) EL BOAZA, ovvero quel che ziga quando ghè qualcòs. Auto, bici ma soprattutto merde. Tre quarti dele volte l'è elo che el ghe pesta dentro. L'è el pù fortuna del gruppo.
8 ) QUEL DALE BUFE, el va en montagna na volta ogni vinti ani, difati nol sa gnanca come enzolarse i scarponi. I scarponi che el dropa l'è quei che el dropava ala "festa dei alberi" de terza elementare, difati i è struchi for de modo e i g'ha anca 7 numeri en men, ma cossa vot, “I ME VA ANCOR BEN”. Dopo en minut de caminada el g'ha le bufe e el taca a lamentarse. Quel dale bufe però, nol mòla mai, el vol arivar en cima a tuti i costi. Ritornadi al parcheggio ghe sè limà tuti i pei ma adès i scarponi i ghe va ben.
9) EL ZITADIN, l'ariva al parchegio en ritardo con endòs le scarpe da ginastica, el se le cambia e... el se mete le infradito. Zaino dell'eastpack, senza acqua e nient da magnar. L'ultim dela fila, el sèita a lamentarse. Le possibili soluzioni l'è: mandarlo su co la teleferica o no ciamarlo.
10) QUEL COL CAIN, ogni zento metri bison fermarse perche el cain el snasa qualcòs o el deve molar le so do goze de pis (pis stop). Se el cain l'è un de quei giusti ghè el servizio skilift incluso.
11) EL THERMOS, na thermos per el brulè e el thè caldo no l'è assà, alora el dropa le thermos anca per magnar. Tra le ricette ricordiamo: l'orzet, minestrina, ravioli crui ala partenza e Vinavil en zima. L'ariva zo sempre famà come en luz.
12) QUEL CHE HA TIRA' BIDON, eh, nol ghè.
(Ps: testo trovato su Facebook, autore ignoto) PPS: io non mi riconosco in nessuna delle categorie tra quelle sopra descritte, quindi aggiungerò presto la mia quando ho un attimo di tempo
